မြေတွင်တူးဆွ ယုယသည့်ပန်း
မပွင့်လန်းခင် သူ၏ရင်မှာ
ကြင်နာပါ၏...။
နေလေမိုးထဲ မညှိုးနွမ်းစေ
ရွက်နုဝေအောင် ချိန်မှန်ပေါင်းသင်
နှလုံးရွှင်၏...။
နူးညံ့သည့်ပန်း သူလက်ကြမ်းနှင့်
ငွားငွားစွင့်လျှက် ပင်ထက်ပွင့်လာ
ပီတိဖြာ၏...။
ပွင့်လာသည့်ပန်း မနမ်းရက်ပါ
အလှသာကြည့် တရိပ်ရိပ်နှင့်
အိပ်မက်နေမည်...။
ပန်းပျိုးသူလက် အခူးခက်လည်း
ဆုချက်ဒဏ်သင့် ပြစ်တင်ခွင့်ပင်
မဝံ့ရဲပါ...။
ပန်းသွေးရောင်စုံ ရနံ့ထုံမှ
ခူးဆွတ်ယူပန် ကေသာဆံထက်
မြင်ရက်နေမယ်...။
သူမြတ်နိုးလို့ သူမို့ပန်လေ
တင့်တယ်နေလျှင် မျက်ရည်ကြည်နှင့်
လွမ်းဝံ့ပါရဲ့...။
သူပျိုးသည့်ပန်း တစ်ပါးနမ်းမှ
ဘယ်ဘက်ကနာ မဖြေသာလင့်
ရင်မှာနင့်၏...။
ပန်လို နမ်းလို ခူးဆွတ်လိုလျှင်
သူရင်ခွင်ထဲ နှလုံးကွဲစေ
ခွင့်ပြုနေမည်...။
သို့ပေမယ့်လေ ခူးယူခြွေချ
မြေမှာခ၍ ခြောက်သွေ့ညှိုးနွမ်း
ငိုရင်းလွမ်းပြီ...။
မပိုင်သည့်ပန်း မနမ်းရက်ပါ
မဆွတ်သာလည်း ဝမ်းမနည်းတတ်
သူ၏လက်ဝယ် နောင်ပွင့်မယ်ဆို
အမြဲလိုပင် ယုယချင်၏။
ဥယျာဉ်မှုးရင် ငါမြင်ချင်မိ
ငါဝင်ကြည့်သည် ပီတိဖြာဝေ
ရင်နွမ်းကြေလျှက် နေတတ်အမြဲ
ကျေနပ်ရဲသည့် နှလုံးလှသူ
အပူချုပ်ထိန်း အစဉ်ငြိမ်းချမ်း
စိတ်ရွှင်ဝမ်းမြောက် သေလမ်းဖြောင့်၏။
အော်.....
ဆုတောင်းတိုင်းသာ ဖြစ်ရပါလျှင်
သူ့လိုငါလည်း အမြဲအစဉ်
ဥယျာဉ်မှုးပင် ဖြစ်ချင်၏။ ။
0 comments:
Post a Comment